Soufflèr

Kan mi té marmaye

Dann fon ravin' Mongayar

Dann touf shoka

Mi té y rèv mi té y plane sanm Papangues

Zot té y tourn y vire

Baan na té y respire dann

Sièl

Sa té y pran kouran

Té y suiv lo van

Loséan

Ti marmaye la lé la minm sanm

Son rèv

Zordi li lad ni gran

Son linstruman

Lo van y souff

Si son lam an touff

Shoka

Y mont y d'sand y kri son lâme fonn'd Kèr Li rod in sond' kèr li pran

Lélan konm Soufflèr

Lèr loséan y frakass si la Tèr

Dousman dousman Oté

Konm loséan y fé

Y galiz y ize

Roches Zarboutan Sin Lé

Ma kontinué Oté

Souff konm do van do fé

Brèz dan mon lâm an lames

Koulèr soley y zoué sanm loséan