Verse 1

Sa tuwing ako'y naglalakad sa aming lugar

Mata ng iba'y nanlilisik at bulgar.

Ang iba'y may dala elect fan at kama

Diko mawari kung saan nila ito idadala?

Verse 2

Ang kapitbahay ko bagong pulis sa kanto

Nakapagtataka ang pera nya kinikilo

Apat ang sasakyan lahat kami niyabangan

Ano ba ang dahilan at bakit biglang yumaman

Refrain

Nagkalat ang palito ng posporo

Sa kalsada mga bata'y naglalaro

Ngunit bakit mga magulang ng mga to

Nasa bahay kulob na kulob at selyado

Ganyan ba talaga kapag pinasok ka na

ng puting usok at parang kaluluwa

Chorus

Ako ay nakakita ng isang bangka

Habang ang iba'y nakatayo at tulala

May nanginginig ngumingiwit nagsasalita

At laking gulat ko may Apoy sa ilalim ng bangka.

Verse 3

Labas pasok sa bahay ni Pulis sya ang bantay

Iba't ibang mukha araw araw may pinapatay.

Normal na lang ang tunog kwarentay singko't kalabog

Hindi nagkabayaran pinaslang dahil may utang

Verse 4

Itong anak ni nena na dalaga

Kanyang ibinenta kapalit ay droga.

Sumisigaw ang dalaga sabi maawa ka

Habang itong si Nena ay nakahawak sa bangka.